თამაშგარე

13:34 | 28.07.2020 | ნანახია [] - ჯერ

მშვენიერ იოლანდას კორონავირუსი აშინებს

აპენინებზე ნამეტნავად პოპულარული სატელევიზიო სპორტული არხი sportitalia ბოლო დროს რეიტინგის განუხრელ ვარდნას უჩივის. ამის მიზეზი სხვა ყველაფერთან შესაძლოა ისიცაა, რომ კორონა-პანდემიის ჟამის შემდეგ ეკრანებზე აღარ გამოჩენილა აღნიშნული არხის ერთ-ერთი ყველაზე ცნობილი წამყვანი.

საუბარია ჟურნალისტ იოლანდა დე რიენცოზე, რომელიც წარმოდგენილ ფოტოებზეც ხედავთ თუ რაოდენ საამოდ საცქერი ვინმეა და როგორც ამბობენ, ეს გოგო იყო ზემოთნათქვამი იტალიური სატელევიზიო არხის ერთგვარი თილისმაც და რაც მთავარია უწინდელი მაღალი რეიტინგის წყაროც.

იოლანდა რამდენიმეთვიანი მდუმარების შემდეგ როგორც იქნა დაუკავშირდა კოლეგა ჟურნალისტებს და აღიარა, რომ ძალიან ეშინოდა კორონვირუსის. სწორედ ამიტომაც, რეჯიო ემილიაში მდებარე კუთვნილი ვილიდან ცხვირიც კი არ გამოუყვია. ახლა იმედი აქვს, რომ შემოდგომიდან კვლავ გაუძღვება საყვარელ საქმეს და ტელევიზიის რეიტინგიც აიწევს.

0.12451