თამაშგარე

10:43 | 27.07.2020 | ნანახია [] - ჯერ

სერხიო რამოსი მეოთხედ გახდა ბიჭის მამა

მადრიდის “რეალის“ უბერებელ კაპიტან სერხიო რამოსსა და მის მეუღლეს, ყოფილ მოდელ ჰილარ რუბიოს მეოთხე ვაჟიშვილი შეეძინათ. ბედნიერმა მამამ პირმშოს სახელად მაქსიმო ადრიანო დაარქვა და განაცხადა, რომ დარწმუნებულია ბიჭუნა აუცილებლად გახდება ფეხბურთელი და იმისიც სჯერა, რომ მადრიდის “რეალში“ გააგორებს ბურთს.

ისიც კი გახდა ცნობილი, რომ უმრწმესი რამოსი 3,279 კილოგრამს იწონის და ესპანეთის ცისქვეშეთს გუშინ ზუსტად 18:58 საათზე მოევლინა. რაც მთავარია, ჰილარ რიბიო და მისი მეოთხე შვილი თავს კარგად გრძნობენ და აწი მადრიდის “რეალის“ ფეხბურთელებს ძეობის სუფრისთვის მოუწევთ მზადება.

შეგახსენებთ, რომ სერიხო რამოსი და მისი მეუღლე უკვე რვა წელია, რაც თანაცხოვრობენ და მადრიდული კლუბის კაპიტანს როგორც ჩვენში იტყვიან, დრო ტყუილად ნამდვილად არ დაუკარგავს. მისი ოთხი ვაჟიდან უფროსი სულ რაღაც ხუთი წლისაა და შვილთა ქმნა ამ ტემპებით თუ გაგრძელდა, სერხიო მალე რამოსების ახალი კლანის თუ დინასტიის ფუძემდებელი იქნება.

0.146116