კორონავირუსით გამოწვეული სამთვიანი იძულებითი პაუზის შემდგომ წყალბურთის კლუბმა „დინამომ“ ვარჯიში განაახლა.

რევაზ ჩომახიძის გუნდი ამ ეტაპზე საქართველოს ჩემპიონატისთვის ემზადება, რომელიც აგვისტოშია დაგეგმილი. შემდეგ კი ჩემპიონთა ლიგაზე ზედიზედ მეორედ ითამაშებს.

შეგახსენებთ, 10-მა გუნდმა ჩემპიონთა ლიგაზე მონაწილეობის უფლება უკვე მოიპოვა და მათ შორის მოხვდა რევაზ ჩომახიძის გუნდიც.

აღსანიშნავია, რომ ტურნირის მონაწილეთა რაოდება 16-დან 12-მდე შემცირდა და დანარჩენი ორი საგზურის მფლობელის ვინაობას საკვალიფიკაციო ეტაპი გაარკვევს.

ჯგუფური ეტაპი 11 - 12 ნოემბერს დაიწყება, 12 გუნდი ორ ქვეჯგუფში გადანაწილდება, საუკეთესო ოთხ-ოთხი გუნდი კი პლეი-ოფში გააგრძელებს ასპარეზობას.

„დინამო თბილისი“ ჩემპიონთა ლიგაზე 2019-2020 წლების სეზონშიც თამაშობდა და ჯგუფურ ეტაპზე 10 მატჩიდან ერთადერთი გამარჯვება მოიპოვა.