ფეხბურთი

10:22 | 6.07.2020 | ნანახია [] - ჯერ

ბიჭი, რომელმაც ბანაობაც არ იცოდა - სერია A-ს დღის უცნობი გმირი

სერია A-ს XXX ტურში „ინტერმა“ „ბოლონიასთან“ წააგო (1:2) და სკუდეტოს მოგების შანსი პრაქტიკულად გაანიავა. ამ მატჩის შემდეგ სტუმართა სრულიად უცნობი ფეხბურთელი საყოველთაო ყურადღების ცენტრში მოექცა.

მუსა ჯუვარა - რა თქმა უნდა, ეს სახელი და გვარი არაფერს გეუბნებათ. ჯუვარამ 75-ე წუთზე სამირ ჰანდანოვიჩის კარი აიღო და იმ დროისთვის წონასწორობა აღადგინა. 18 წლის ფეხბურთელი „ბოლონიას“ ყველაზე ახალგაზრდა მეგოლეა სერია A-ში 2003 წლიდან მოყოლებული და ცხადია, იტალიის ელიტარურ ლიგაში ეს მისთვის სადებიუტო გოლი იყო (მიმდინარე სეზონში მეხუთე მატჩში, კარიერაში მეექვსე თამაშში).

მუსა ჯუვარას ტრაგიკული ისტორია აქვს. ის გამბიაში დაიბადა და 14 წლამდე იქ ცხოვრობდა. 4 წლის წინ კი ძალიან გრძელი გზა გაიარა აფრიკიდან სიცილიამდე, თვითმფრინავით? არა - გასაბერი ნავით! გამბიაში ცხოვრების პერიოდში მას ყოველდღე უწევდა სიკვდილის ხილვა, გაიზარდა მშობლების გარეშე, ობლად და როგორც Sky Sport-ის ჟურნალისტი ანჯელო მანჯანტე ტვიტერში წერს, ბანაობაც კი არ იცოდა.

ახლა კი, მუსა ჯუვარას ისტორია შეიცვალა, მან 18 წლის ასაკში სერია A-ში, ეპოქალურ „სან სიროზე“, მილანის „ინტერს“ გოლი გაუტანა - ასეთი ამბები ყოველდღე არ ხდება...

0.122341