კატალონიის „ბარსელონას“ მომდევნო სეზონიდან სავარაუდოდ ლეგენდარული ჩავი ერნანდესი ჩაიბარებს. Mundo Deportivo-ს ჟურნალისტი ფრანსესკ აგილარი იტყობინება, რომ მხარეები შეთანხმდნენ.
კიკე სეტიენს ცუდი შედეგების გამო პოსტიდან გათავისუფლება ემუქრება და მას სეზონის ბოლომდე „ბარსელონა“ B-ს თავკაცი გარსია პიმენტა შეცვლის, ხოლო 2020-2021 წლების სეზონიდან მწვრთნელი ჩავი იქნება.
ესპანელთან მოლაპარაკებები ჯერ კიდევ იანვარში მიმდინარეობდა, მაგრამ მაშინ მშობლიურ გუნდში დაბრუნებაზე უარი განაცხადა და სწორედ ამიტომ სეტიენი დანიშნეს. ახლა როგორც ჩანს, ჩავიმ თანხმობა განაცხადა, რომელიც ყატარულ „ალ-სადს“ თავკაცობს.
„ბარსელონა“ ლა ლიგის დასრულებამდე 5 ტურით ადრე „რეალს“ 4 ქულით ჩამორჩება, ჩემპიონთა ლიგაზე კი მერვედფინალშია გასული, სადაც „ნაპოლისთან“ საპასუხო მატჩი აქვს გასამართი. პირველი დაპირისპირება იტალიაში 1:1 დასრულდა.
