ფეხბურთი

2:36 | 3.07.2020 | ნანახია [] - ჯერ

იყო -2 და არის +4: "რეალმა" "ბარსას" ხელი დაუქნია

ხუთი ტური სეზონის ფინიშამდე და ოთხქულიანი უპირატესობა - ეს ბევრია. ბევრია, თუნდაც საქმე „რეალი“ – „ბარსელონას“ დუელთან გვქონდეს.

პოსტკორონავირუსულ პერიოდმა ნათლად დაგვანახა, რომ ზინედინ ზიდანის გუნდში მექანიზმი იდეალურად მუშაობს, ხოლო კიკე სეტიენის „ბარსაში“ ბევრი პრობლემაა. შედეგად, „სამეფო კლუბმა“ მეექვსე მატჩი მოიგო პაუზის შემდეგ, ქულაც არ დაუკარგავს, მაშინ როდესაც „ბარსელონამ“ სამჯერ ფრე ითამაშა იმავე პერიოდში.

მოკლედ, „ბარსას“ +2, -4 ქულად გადაიქცა და აშკარაა, რომ სასსწაული უნდა მოხდეს, სეზონის ბოლომდე ვითარება რომ შეიცვალოს.

„რეალმა“ 33-ე ტურის დასკვნით მატჩში თანაქალაქელ „ხეტაფეს“ გაჭირვებით, მაგრამ მოუგო, სერხიო რამოსმა ბოლოსკენ გაიტანა სამქულიანი პენალტი და საკუთრი გუნდი ჩემპიონობასთან კიდევ ერთი ნაბიჯით მიიყვანა.

გაუჭირდება „ბარსელონას“, 4 ქულის გარდა, „რეალს“ ურთიერთშეხვედრებშიც უპირატესობაც აქვს. ზიდანი და „რეალი“ ჩემპიონობასთან მართლა ახლოს არიან, ძალიან ახლოს...

„რეალი“ – „ხეტაფე“ 1:0 (0:0)

გოლი: 1:0 სერხიო რამოსი (79, პენ)

თეგებილა ლიგა
0.132154