ფეხბურთი

2:12 | 29.06.2020 | ნანახია [] - ჯერ

ბენზემას ჯადოქრობა და "რეალი" ლიდერია

ლა ლიგაში სეზონის დასრულებამდე მხოლოდ 6 ტური დარჩა და „რეალს“ „ბარსელონასთან“ ურთიერთშეხვედრების უპირატესობის გარდა, უკვე 2-ქულიანი ფორა გააჩნია. ეს კი, დიდი ალბათობით, მცირე ჰანდიკაპი არ აღმოჩნდება, „რეალისა“ და „ბარსას“ სათამაშო ფორმებიდან გამომდინარე.

მას შემდეგ, რაც კატალონელებმა ვიგოს „სელტას“ ვერ მოუგეს, „სამეფო კლუბის“ ამოცანა ნათელი იყო - ბარსელონადან სამი ქულის წამოღება. ბარსელონადან, რადგან მისი მეტოქე „ესპანიოლი“ იყო, გასავარდნ ზონაში მყოფი და პრაქტიკულად განწირული გუნდი.

„რეალმა“ კატალონელთა ბარიერის დასაძლევად ერთი გოლიც იკმარა, მაგრამ გოლსაც ხომ გააჩნია?! ბრაზილიელმა კაზემირომ 45-ე წუთზე გაიტანა, თუმცა ამ მომენტში კარიმ ბენზემას მოქმედება დაუვიწყარი გახლდათ და დიდი ეჭვი გვაქვს, ფრანგის თამაში დიდი ხნის საუბრის თემა იქნება. ბენზემამ ქუსლით ისეთი ფანტასტიკური გადაცემა გაუკეთა კაზემიროს, სამხრეთ ამერიკელს გატანის გარდა ცხადია არაფერი დარჩენოდა.

„რეალმა“ 71 ქულას მოუყარა თავი და „ბარსელონას“ 2 ქულით სჯაბნის. დარჩენილ კალენდარსაც თუ გადავხედავთ, ერთი შეხედვით ზინედინ ზიდანის გუნდის გზა სეზონის ფინიშამდე გაცილებით მარტივია, ვიდრე კიკე სეტიენის „ბარსას“...

„ესპანიოლი“ – „რეალი“ 0:1 (0:1)

გოლი: 0:1 კაზემირო (45)

0.118294