ფეხბურთი

20:44 | 28.06.2020 | ნანახია [] - ჯერ

მარიო გომესი ფეხბურთიდან მიდის

ცნობილი გერმანელი ფეხბურთელი მარიო გომესი კარიერას ასრულებს. 34 წლის თავდამსხმელმა ცოტა ხნის წინ ამის შესახებ განცხადება გააკეთა.

„ეს ჩემი ბოლო სეზონი იყო „შტუტგარტში“, გერმანიასა და ალბათ ფეხბურთშიც“, - თქვა მარიომ.

გომესმა დღეს „შტუტგარტის“ რიგებში ბოლო მატჩი ჩაატარა და გოლის გატანაც მოახერხა „დარმშტადთან“ (1:3) წაგებულ შეხვედრაში. თუმცა, მისი მშობლიური გუნდი ბუნდესლიგაში დაბრუნდა.

მარიო გომესის კარიერა სწორედ „შტუტგარტში“ დაიწყო და 2003-2009 წლებში 156 მატჩში 87 გოლი გაიტანა. 2009-2013 წლებში უკვე „ბაიერნის“ ღირსებას იცავდა (174 თამაში, 113 გოლი). გარდა ამისა, „ფიორენტინაში“ (47 თამაში, 14 გოლი), „ბეშითქთაშსა“ (41 მატჩი, 28 გოლი) და „ვოლფსბურგში“ (52 მატჩი, 19 გოლი) ირჯებოდა.

2018 წლის ზამთარში კი მშობლიურ „შტუტგარტს“ დაუბრუნდა (69 თამაში, 23 გოლი). 2007-2018 წლებში გერმანიის ნაკრებში 78 შეხვედრაში თავი 31-ჯერ გამოიჩინა. სამჯერ მოიგო ბუნდესლიგა (ერთხელ „შტუტგარტში“, ორჯერ „ბაიერნში“), თითოჯერ კი ჩემპიონთა ლიგა, გერმანიის თასი, სუპერთასი და თურქეთის ჩემპიონატი.

0.124124