მიუნხენის "ბაიერნის' მთავარმა მწვრთნელმა ჰანს-დიტერ ფლიკმა იურგენ კლოპს პრემიერლიგის მოგება მიულოცა. ჰანსის განცხადებით, კლოპი ამ ეტაპისთვის საუკეთესო გერმანელი მწვრთნელია.
"ერთმანეთს უკვე მივულოცეთ ჩვენ ჩემპიონატებში გამარჯვება და ძალიან ბედნიერები ვართ, რომ ამ სეზონში ეს მოვახერხეთ. იურგენმა "ლივერპულში" დიდი საქმე შეასრულა და მისი გუნდი ლამაზ ფეხბურთს თამაშობს. კლოპის გერმანიაში დაბრუნება? ამაზე პასუხის გაცემა მხოლოდ მას შეუძლია. რა საკვირველია, გერმანელ მწვრთნელებს შორის საუკეთესოა, იგი ყველაზე მაღლა დგას. კლოპმა "დორტმუნდში" დიდებული საქმე შეასრულა და ახლა იგივეს "ლივერპულში" აკეთებს." - ციტირებს ფლიკის სიტყვებს Goal.com-ი.
30-წლიანი პაუზის შემდეგ "ლივერპული" ინგლისის ჩემპიონი გახდა. იურგენ კლოპის გუნდი პრემიერლიგის გამარჯვებული სეზონის დასრულებამდე შვიდი ტურით ადრე გახდა.
