იტალიის სერია A-ს XXVII ტურში „პარმამ“ „ჯენოა“ 4:1 დაამარცხა და ანდრეას კორნელიუსმა ჰეთ-თრიქი შეასრულა. თუმცა, ეს არ ყოფილა რიგით ჰეთ-თრიქი.
საქმე ისაა, რომ დანიელმა „ჯენოა“ პირველ წრეშიც სამჯერ დაამწუხრა, 20 ოქტომბერს გამართულ მატჩში. შედეგად, სკანდინავიელმა გენუელები ორ მატჩში 6-ჯერ დაამწუხრა და მთლიანად სეზონში 11 გოლი აქვს გატანილი.
სერია A-ს ისტორიაში ეს იყო მესამე შემთხვევა, როდესაც ერთმა ფეხბურთელმა ერთ გუნდს სეზონში ორჯერ შეუსრულა ჰეთ-თრიქი. კორნელიუსამდე მსგავსი მიღწევით 1957-1958 წლების სეზონში „პადოვას“ მაისურით „ჯენოას“ წინააღმდეგ კურტ ჰამრინი და 2007-2008 წლების სეზონში „ჯენოას“ მაისურით „უდინეზეს“ წინააღმდეგ მარკო ბორიელო გამოირჩნენ.
