ფამაგუსტას „ანორთოსისი“ ახალი სეზონისთვის გაძლიერებას განაგრძობს და კიდევ ერთი ფეხბურთელი დაიმატა.

თემურ ქეცბაიას განკარგულებაში ამიერიდან კამერუნელი ჩარლზ ელუნდუ იქნება, რომელიც ფამაგუსტელებმა „ნეა სალამინადან“ დაიამტეს. 25 წლის ფეხბურთელს კვიპროსის ჩემპიონატში 84-ჯერ უთამაშია, 12 გოლი გაიტანა და 13 საგოლე პასი მიითვალა. პოზიციით მარცხენა ვინგერია.

აქვე გეტყვით, რომ „ანორთოსისმა“ მანამდე ბრაზილიელი განაპირა მცველი ანდერსონ კორეია დაიმატა. თემურ ქეცბაიას გუნდი 2020-2021 წლების სეზონში ევროპა ლიგის საკვალიფიკაციო ეტაპზე ითამაშებს.