ინგლისის პრემიერლიგაც დაბრუნდა. დაბრუნდა ორი მატჩით, რომელიც თავსი დროზე ინგლისის ლიგის თასის ფინალის გამო გადაიდო.

თავდაპირველად ბირმინგემში „ასტონ ვილამ“ „შეფილდს“ უმასპინძლა, სადაც გოლი არ გასულა. უფრო სწორად გავიდა, მაგრამ ვერც მსაჯებმა შეამჩნიეს ბურთის მიერ კარის ხაზის გადაკვეთა და ვერცხ ხაზის ტექნოლოგიამ დააფიქსირა. ასეა თუ ისე, „ვილა პარკზე“ გუნდებმა ქულები უგოლოდ განაწილეს.

მერე კი მინდორზე „მანჩესტერ სიტი“ და „არსენალი“ გავიდნენ. „მეთოფეებს“ კოშმარული სეზონი რომ აქვთ, ეს დიდი ხანია დადასტურებულია, მაგრამ მიკელ არტეტას გუნდი კიდევ ერთხელ შერცხვა.

„სიტის“ პრემიერლიგის ჩემპიონობის შანსი პრაქტიკულად დაკარგული აქვს, მაგრამ გვარდიოლას ბიჭებმა გამართული ფეხბურთი აჩვენეს და მეტოქეს სამი უპასუხო გოლიც გაუტანეს.

ჯერ იყო და ანგარიში რაჰიმ სტერლინგმა დავიდ ლუიზის შეცდომით გახსნა, ხოლო ნაანტრაქტევს კევინ დე ბრუინმა და ფილ ფოდენმა ლონდონელებს ბოლო მოუღეს.

„სიტიმ“ „ლივერპულთან“ ჩამორჩენა 22-ქულამდე შეამცირა, მაგრამ ცხადია ეს დიდი ვერაფერი ნუგეშია და „წითლების“ გაჩემპიონება მხოლოდ დროის ამბავია, თანაც არც ისე დიდის.

„მანჩესტერ სიტი“ – „არსენალი“ 3:0 (1:0)

გოლები: 1:0 სტერლინგი (45), 2:0 დე ბრუინი (51, პენ), 3:0 ფოდენი (90)

„ასტონ ვილა“ – „შეფილდ იუნაიტედი“ 0:0 (0:0)