ფეხბურთი

21:44 | 13.06.2020 | ნანახია [] - ჯერ

"ისტორია დაწერეს, მაგრამ დასასრულის დროა" - ლეონარდომ პსჟ-დან ფეხბურთელების წასვლა დაადასტურა

„პარი სენ ჟერმენს“ ედინსონ კავანი და ტიაგო სილვა სეზონის ბოლოს დატოვებენ. ეს ინფორმაცია პარიზელთა სპორტულმა დირექტორმა ლეონარდომ უკვე ოფიციალურად დაადასტურა.

ბრაზილიელს და ურუგვაელს სეზონის ბოლოს კონტრაქტები ეწურებათ და გადაწყვეტილია, რომ არცერთ შემთხვევაში გახანგრძლივება არ მოხდება.

„ედინსონ კავანი და ტიაგო სილვა პსჟ-ს სეზონის ბოლოს დატოვებენ, ეს დადასტურებულია. ჩვენი იდეაა, რომ ორივე აგვისტომდე შევინარჩუნოთ. რთული გადაწყვეტილება იყო, ისინი არიან ფეხბურთელები, რომლებმაც კლუბის ისტორია დაწერეს, ძალიან ლამაზი ისტორიები, მაგრამ დასასრულს მივუახლოვდით“, - თქვა ლეონარდომ.

შეგახსენებთ, რომ ტიაგო სილვა პსჟ-ს 2012 წელს „მილანიდან“ შეუერთდა (310 მატჩი, 17 გოლი), ხოლო ედინსონ კავანი 2013 წელს, „ნაპოლიდან“ გადავიდა საფრანგეთში (300 მატჩი, 200 გოლი). სად გააგრძელებენ სამხრეთ ამერიკელი ფეხბურთელები კარიერას, ამ ეტაპზე ოფიციალურად უცნობია.

0.120879