2010 წლის 25 ივლისი, რუსეთის პრემიერლიგის მე-14 ტურში მესამეადგილოსანი მოსკოვის ცსკა-მ ერთი საფეხურით უკან მყოფ ნალჩიკის „სპარტაკს“ უმასპინძლა და დამარცხდა.

არმიელთა გუნდი იმ დღეს უქულოდ რომ დარჩა, ნალჩიკელთა ქართული ლეგიონის კისერზეა. მე-8 წუთზე დავით სირაძემ საჯარიმოში ჩინებულად ითამაშა და იგორ აკინფეევი უშანსოდ დატოვა, ხოლო 45-ე წუთზე გოგიტა გოგუამ ერთი შეხებით, ძალიან მაგარი გოლი გაუტანა რუსეთის საუკეთესო კიპერს.

მართალია, პირველივე ტაიმში ჩეხმა ტომაშ ნეციდმა ანგარიშის სხვაობა შეამცირა, მაგრამ მეტი გოლი აღარ გასულა და ქართველების გოლებით ნალჩიკის „სპარტაკმა“ ცსკა მისსავე მოედანზე 2:1 დაამარცხა.

ამ შეხვედრაში გოგუამ მხოლოდ პირველი ტაიმი ითამაშა, ხოლო სირაძე მოედანზე 82-ე წუთამდე იმყოფებოდა.