„ჩიკაგო ბულსისა“ და „დეტროიტ პისტონსის“ ლეგენდა დენის როდმანი აშშ-ში მიმდინარე საპროტესტო აქციებს გამოეხმაურა, რომელიც ჯორჯ ფლოიდის მკვლელობის შემდეგ დაიწყო.
აქტივისტებმა შენობები დაწვეს, არსებობს ვანდალიზმის უამრავი ფაქტიც, რაც ლეგენდარულ კალათბურთელს სწორად არ მიაჩნია და მათ გაჩერებისკენ მოუწოდა.
„ძალიან ცუდი სიტუაციაა და ვფიქრობ, რომ ყველას უნდა გვესმოდეს, რომ ახალი თაობა არსებობს. ჩემი თაობის ადამიანებმა, როდესაც შეიტყვეს როდნი კინგის მკვლელობის შესახებ (1991 წელს პოლიციელმა მოკლა აფროამერიკელი - რედ), დაიწყეს ძარცვა, ხანძარი, დააზიანეს სახლები, ბიზნესი და ა.შ. დღეს ჩვენ ფლოიდის ეს შემთხვევა გვაქვს. ვფიქრობ, რომ ვიღაც უნდა გამოვიდეს და დემონსტრანტებს შეჩერებისკენ მოუწოდოს. რატომ ვქმნით უფრო მეტ პრობლემას? რატომ ვიპარავთ? მოდით გულში ჩავიხედოთ რა ხდება. უნდა ვიპოვოთ პროტესტის სწორი გზა და ფორმა. არ არის საჭირო ძარცვა, დაწვა, ჩვენ უკვე გვაქვს საკმარისი პრობლემები კორონავირუსთან დაკავშირებით, არის მაღაზიები, რომლებიც დახურეს, რადგან ხალხი ძარცვავდა. რატომ? რატომ ვაკეთებთ ამას? რატომ ვაზიანებთ ისევ და ისევ საკუთარ თავს? რატომ არ უნდა დავეხმაროთ ერთმანეთს და ვცადოთ პრობლემის მოგვარება? ჩვენ არ შეგვიქმნია ეს პრობლემა, მაგრამ იცით, რომ შეგვიძლია დახმარება. ერთად უნდა ვიცხოვროთ, ყველანი ადამაინები ვართ და არა ცხოველები“, - თქვა როდმანმა.
შეგახსენებთ, რომ ჯორჯ ფლოიდი მინეაპოლისში პოლიციელმა მოკლა.
