ფეხბურთი

22:29 | 1.06.2020 | ნანახია [] - ჯერ

"რეალი" მიმდინარე სეზონში "სანტიაგო ბერნაბეუზე" არ ითამაშებს

მადრიდის „რეალი“ 2019-2020 წლების სეზონის დარჩენილ საშინაო მატჩებს „სანტიაგო ბერნაბეუზე“ არ ჩაატარებს. ამის შესახებ კლუბის პრეზიდენტმა ფლორენტინო პერესმა განაცხადა.

საქმე ისაა, რომ „სანტიაგო ბერნაბეუზე“ სარემონტო სამუშაოები მიმდინარეობს და ვინაიდან, მაყურებლებს თამაშებზე დასწრება მაინც არ შეეძლებათ, „სამეფო კლუბი“ ვალდებებასის სტადიონზე ითამაშებს.

„მიმდინარე სეზონის დარჩენილი საშინაო მატჩები ვალდებებასის ალფრედო დი სტეფანოს სახელობის სტადიონზე გაიმართება „სანტიაგო ბერნაბეუზე“ დაგეგმილი სარემონტო სამუშაობის მიზნით. თამაშები დახურულ კარს მიღმა ჩატარდება, ამიტომ სხვაგან თამაში გადავწყვიტეთ. ერთიანები ვართ იმის მოლოდინში, რომ სტადიონზე დაბრუნებას ერთად შევძლებთ“, - თქვა პერესმა.

აქვე გეტყვით, რომ „რეალს“ მიმდინარე სეზონში ლა ლიგაში ექვსი საშინაო მატჩი აქვს გასამართი, სამეფო თასს უკვე გამოეთიშა, ხოლო ჩემპიონთა ლიგაზე კი „მანჩესტერ სიტის“ თუ სტუმრად ვერ დაამარცხებს, ასპარეზობას გამოეთიშება.

0.148166