ფეხბურთი

20:41 | 31.05.2020 | ნანახია [] - ჯერ

მუხლი მიწაზე - ტურამმა გოლი ჯორჯ ფლოიდს მიუძღვნა (+VIDEO)

მიონხენგლადბახის თავდამსხმელმა და ცნობილი ფრანგი ფეხბურთელის, ლილიან ტურამის შვილმა მარკუს ტურამმა „უნიონთან“ გატანილი გოლი ჯორჯ ფლოიდს მიუძღვნა, რომელსაც მინეაპოლისში პოლიციელმა დერეკ შოვინმა კისერზე მუხლი დაადგა და ამ კადრებმა მთელი მსოფლიო შეძრა.

მარკუსმა დუბლი გაიფორმა, პირველი გოლის შემდეგ კი მუხლი მოიყარა - ზუსტად ისე, როგორც პოლიციელმა ფლოიდს სუნთქვის შესაძლებლობა არ მისცა.

„გლადბახმა“ ტურამის ფოტო ტვიტერში გამოაქვეყნა და დაასათაურა - „ახსნა-განმარტება საჭირო არაა“.

შეგახსენებთ, რამდენიმე დღის წინ მინეაპოლისში ჯორჯ ფლოიდის მკვლელობას მასშტაბური საპროტესტო აქციები მოჰყვა და აქტივისტებმა პოლიციის შენობაც დაწვეს. „გლადბახი“ „უნიონის“ შეხვედრას რაც შეეხება, „ბორუსიამ“ ტურამის ლიდერობით 4:1 იმარჯვა.

0.154638