ჩოგბურთი

23:08 | 24.05.2020 | ნანახია [] - ჯერ

"ვიმედოვნებ ყველა დეტალი გაირკვევა" - ნიკოლოზ ბასილაშვილის განცხადება

საქართველოს საუკეთესო ჩოგბურთელმა ნიკოლოზ ბასილაშვილმა ფეისბუქში განცხადება გაავრცელა და დღეს განვითარებულ მოვლენებს გამოეხმაურა.

ქართველი ჩოგბურთელის განცხადებით, ამ რთულ ეტაპზე მისი მთავარი მიზანი სიმართლის დაცვა და შვილის ინტერესების გათვალისწინებაა. ბასილაშვილის განცხადებას უცვლელად გთავაზობთ:

„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ.

რაც შეეხება, 22 მაისს, განვითარებულ მოვლენებს, ვიმედოვნებ ყველა დეტალი გაირკვევა, ახლა უკვე სასამართლოში და დადგება სამართლიანი განაჩენი, მანამდე კი, არ მსურს ვისაუბრო ჩემს პირად სივრცეზე. არ ვაპირებ საჯარო დისკუსიაში შევიდე ჩემს ყოფილ მეუღლესთან და ვამტკიცო ის, რაც ნამდვილად არ ყოფილა. ის ჩემი ერთადერთი ვაჟიშვილის, ლუკასის, დედაა და ასე დარჩება ცხოვრების ბოლომდე, ჩემი მიზანია ცხოვრების ამ რთულ ეტაპზე დავიცვა ჩემი სიმართლე ისე, რომ არ დაზიანდეს ლუკასის ინტერესები. სწორედ ჩემ შვილთან, განსაკუთრებული დამოკიდებულება ვალდებულს მხდის, არ ვუპასუხო უსაფუძვლო ბრალდებებს, თუმცა მჯერა, რომ სიმართლეს სასამართლოში, ჩემი იურისტების დახმარებით აუცილებლად დავამტკიცებ“, - დაწერა ბასილაშვილმა.

შეგახსენებთ, ბასილაშვილი ყოფილ მეუღლეზე ძალადობის ბრალდებით დღეს დააპატიმრეს, 100 000 ლარის გირაოს სანაცვლოდ კი გაათავისუფლეს.

0.111809