ფეხბურთი

18:56 | 22.05.2020 | ნანახია [] - ჯერ

პსჟ იკარდის გამოსყიდვას აპირებს

ფრანგულ „პარი სენ ჟერმენს“ მილანის „ინტერიდან“ მაურო იკარდის გამოსყიდვა უნდა. როგორც Sky Sport-ი იტყობინება, პარიზელები მზად არიან არგენტინელ ფორვარდს სრულფასოვანი კონტრაქტი გაუფორმონ.

პსჟ „ინტერს“ 50 მილიონ ევროს და 10 მილიონ ევროს ბონუსის სახით სთავაზობს. თუმცა, ეს 10 მილიონით ნაკლებია, ვიდრე იკარდის გამოსასყიდი თანხაა - 70 მილიონი ევრო.

ამის მიუხედავად, ფრანგები იმედოვნებენ, რომ „ინტერს“ ამ წინადადებაზე დაითანხმებენ, რადგან იკარდის „ნერაძურიში“ დაბრუნება შეუძლებელია და ფეხბურთელი აუცილებლად უნდა გაასხვისონ.

შეგახსენებთ, რომ მაურო იკარდი პსჟ-ში გასულ ზაფხულს იჯარით გადავიდა და 31 მატჩში 20 გოლი გაიტანა.

0.180063