დორტმუნდის „ბორუსიას“ ნახევარმცველმა ემრე ჯანმა Bild-თან ინტერვიუში კრიშტიანუ რონალდუს მენტალიტეტზე ისაუბრა. გერმანელი ფეხბურთელის განცხადებით, რონალდუსთვის ვარჯიშზე ორმხრივი თამაშის წაგებაც მტკივნეულია.
„ვნახე, როგორ ცხოვრობს გამარჯვებულის მენტალიტეტთი. ვარჯიშზეც წაგებული მატჩის შემდეგაც კი ძალიან ცუდ ხასიათზეა. პირიქით, თუ იმარჯვებს, აღნიშნავს. რონალდუ ნამდვილი ლიდერია.
„დორტმუნდში“ იმიტომ გადავედი, რო ტიტულების მოგება მინდა და არა „ბაიერნის“ შემდეგ მეორე ადგილის დაკავება. „ბორუსიას“ გარემო ძალიან ჰგავს „ლივერპულის“ გარემოს, ორივეს უნიკალური გულშემატკივრები ჰყავს და შემთხვევითი არაა, რომ ორივე გუნდში კლოპი ძალიან უყვართ. ჩემპიონთა ლიგა? ჩვენი ოცნება მისი მოგებაა“, - თქვა ჯანმა.
შეგახსენებთ, რომ გერმანელი ნახევარმცველი „ყვითლებს“ იანვრის სატრანსფერო პერიოდში „იუვენტუსიდან“ შეუერთდა.
