ფეხბურთი

1:59 | 21.05.2020 | ნანახია [] - ჯერ

პოლ სქოულზმა დაასახელა ორი გუნდი, სადაც "მანჩესტერიდან" წასვლის შემთხვევაში ითამაშებდა

ინგლისური ფეხბურთისა და „მანჩესტერ იუნაიტედის“ ლეგენდამ პოლ სქოულზმა ორი კლუბი დაასახელა, სადაც ითამაშებდა, რომ არა „წითელი ეშმაკები“. ინგლისელი აღნიშნავს, რომ „იუნაიტედიდან“ წასვლა არასდროს უფიქრია, მაგრამ თუ ეს გარდაუვალი იქნებოდა, მხოლოდ „ბარსელონაში“ ან „მილანში“ გადავიდოდა.

„არასდროს მქონია ამბიცია, რომ „მანჩესტერ იუნაიტედის“ გარდა სხვა კლუბში მეთამაშა. იმ დროს მსოფლიოს საუკეთესო კლუბის წევრი ვიყავი, ვთამაშობდი ფეხბურთს და ტიტულებს ვიგებდი. გულწრფელად ვამბობ, არასდროს მიფიქრია გუნდის დატოვებაზე. სად წავიდოდი? მომწონდა „ბარსელონა“, ისევე როგორც ყოველთვის მიყვარდა „მილანი“.

„მილანს“ ძალიან ლამაზი ფორმა ჰქონდა, შავ-წითელი ზოლებით მაისური, თეთრი შორტები შავი ხაზებით. ძალიან ძლიერი ფეხბურთელები ჰყავდათ, ბარეზი, მალდინი, დონადონი, ანჩელოტი, ვან ბასტენი, გულიტი. ბავშვობიდან ვუყურებდი იტალიურ ფეხბურთს და წარმოუდგენელი გუნდი იყო. ასე რომ, თუ ოდესმე „იუნაიტედს“ დავტოვებდი, მხოლოდ „ბარსელონაში“ ან „მილანში“ წასასვლელად“, - თქვა სქოულზმა.

შეგახსენებთ, პოლ სქოულზმა „მანჩესტერ იუნაიტედში“ 1993-2013 წლებში ითამაშა, 718 შეხვედრაში 155 გოლი გაიტანა და „წითელი ეშმაკების“ ისტორიაში წარუშლელი კვალი დატოვა.

0.114827