თამაშგარე

14:23 | 15.05.2020 | ნანახია [] - ჯერ

ქომაგთა ფიქრები ბუნდესლიგის სტარტზე

16 მაისი გერმანული და მთლიანად მსოფლიო ფეხბურთისთვის ისტორიული დღე იქნება. პატარა საქმე ხომ არაა, ამოდენა პანდემიისა და ვირუსის მძლავრობის შემდეგ გერმანიის საფეხბურთო ბუნდესლიგა იღებს სტარტს და ამ მოვლენას ისინიც კი დიდი ინტერესით ელიან, ვისაც აქამდე ალემანთა პირველობა დიდად არ ეპიტნავებოდათ.

ბუნდესლიგის სტარტისთვის ყველაზე მეტად ცხადია გერმანელი ქომაგები ემზადებიან. მიუხედავად იმისა, რომ გერმანიის საფეხბურთო კავშირის განმარტებით მატჩებზე მაყურებელი არ დაიშვება, ქომაგებმა მაინც მონახეს საგულშემეტკივრო გზები და ვინც სახლში ტელვიზორებთან თამაშის ცქერას იუკადრისებს, სტადიონთან ახლოს დისტანცირებულ სივრცეებზე დადგებიან და იქიდან ეცდებიან საყვარელ ფეხბურთელებს ხმა გააგონონ.

განსაკუთრებით რთულ დღეში არიან ფან-კლუბები და ფან-კლუბთა თილისმად სახელდებული ეპატაჟური ქალბატონები, რომლებიც ტრიბუნებზე ჯდომით და და იქ აქტიურობით იზიდავდნენ მტერსაც და მოყვარესაც. მიუნჰენის “ბაიერნის“ გულშემატკივარი ქალბატონები იქადნებიან, რომ მატჩს საკუთარი სახლების აივნებიდან უყურებენ და თუკი რაიმე უცნაური საქციელის ჩადენა (მაგალითად გოლის გატანის მერე საჯაროდ მკერდის მოშიშვლება) მოუნდებათ, აივანზევე იმოქმედებენ.

0.141429