ფეხბურთი

2:11 | 15.05.2020 | ნანახია [] - ჯერ

"მინდა პლატინის ვაჯობო" - ოლივიე ჟირუს ამბიციები

ლონდონის „ჩელსისა“ და საფრანგეთის ნაკრების თავდამსხმელმა ოლივიე ჟირუმ განაცხადა, რომ მიშელ პლატინის შედეგის გაუმჯობესება უნდა. საქმე ეხება „მამლების“ რიგებში გატანილი გოლების რაოდენობას.

„მინდა ფრანგული ფეხბურთის ისტორიაში კვალი დავტოვო. ნაკრებში 97 თამაში ჩავატარე და ვიმედოვნებ, რომ მალე 100 შეხვედრას მივაღწევ. რაც შეეხება გოლების რაოდენობას, მიშელ პლატინის ორი გოლი მაშორებს და მისი გადასწრება ჩემი მიზანია, გარდა იმისა, რომ მომდევნო წელს ევროპის ჩემპიონობა მინდა“, - აღნიშნა ჟირუმ.

ამ დროისთვის ოლივიეს 97 შეხვედრაში 39 გოლი აქვს საფრანგეთის ნაკრებში გატანილი. ამ შედეგით მხოლოდ ტიერი ანრისა (51) და მიშელ პლატინის (41) ჩამორჩება.

საფრანგეთის ნაკრებში დასახული მიზნების გარდა, ჟირუმ შესაძლო ტრანსფერის შესახებაც ისაუბრა და აღნიშნა, რომ ზამთარში ახლოს იყო „ჩელსის“ დატოვებასთან.

„ტრანსფერი? ზამთარში რამდენიმე გუნდი მიწვევდა, „ინტერის“ პროექტი ჩემთვის ყველაზე მნიშვნელოვანი იყო, ასევე მიწვევდნენ „ლაციო“ და „ტოტენჰემი“, მაგრამ კონტე ტელეფონით მესაუბრა, ის „ჩელსიში“ მუშაობდა და მიცნობდა, ამიტომ უპირატესობა იყო მასთან წასვლა. „ლაციოს“ მენეჯრებიც იყვნენ ლონდონში, ყველაფერი მზად იყო, რომ გუნდი დამეტოვებინა, მაგრამ საბოლოოდ კლუბმა არ მოინდომა გაყიდვა, მხოლოდ იმ შემთხვევაში გამიშვებდნენ, თუ შემცვლელი ნაპოვნი ეყოლებოდათ“, - თქვა ჟირუმ.

0.149577