ფეხბურთი

13:45 | 13.05.2020 | ნანახია [] - ჯერ

"ორივემ წარუშლელი კვალი დატოვა, მაგრამ ის უკეთესია": კლოპმა არჩევანი გააკეთა

„ლივერპულის“ მთავარმა მწვრთნელმა იურგენ კლოპმა ლიონელ მესისა და კრიშტიანუ რონალდუს შორის საუკეთესო დაასახელა. ცხადია, გერმანელი ორივეს უდიდეს ფეხბურთელად მიიჩნევს, მაგრამ უპირატესობას მესის ანიჭებს.

„ჩემთვის მესი უკეთესია, მიუხედავად იმისა, ორივეს წინააღმდეგ თავის დაცვა პრაქტიკულად შეუძლებელია. ლიონელს განსხვავებული ფიზიკური მახასიათებლები აქვს. ჩემი იდეალური ფეხბურთელი რონალდუს სიმაღლით, ნახტომით და სისწრაფისგან შედგება, ამას დავუმატებდი პროფესიონალიზმსა და იდეალურობას.

მეორეს მხრივ არის პატარა მესი, რომელიც ყველაფერს მარტივად აკეთებს და მირჩევნია, როგორც ფეხბურთელი. თუმცა, რონალდუც წარმოუდგენელი ფეხბურთელია, ორივემ წლების განმავლობაში წარუშლელი კვალი დატოვა ამ სპორტის ისტორიაში“, - თქვა კლოპმა.

გარდა ამისა, გერმანელს ჰკითხეს ვის დააბრუნებდა „ლივერპულში“ რომ შეეძლოს:

„სტივი, ადვილია! თუმცა, ძირითადში მოსახვედრად ბრძოლა მოუწევდა. სასაცილო ისაა, რომ 4.5 წელი ერთ ქალაქში ვცხოვრობდით და არასდროს მინახავს“, - თქვა კლოპმა.

0.113806