ფეხბურთი

2:03 | 6.05.2020 | ნანახია [] - ჯერ

"გუნდში მისი ყოფნა უპირატესობაა" - ჩავიმ ყველა დროის საუკეთესო ფეხბურთელი დაასახელა

ყატარული „ალ-სადის“ მთავარმა მწვრთნელმა და ესპანური ფეხბურთის ლეგენდამ ჩავიმ სამუელ ეტო’ოსთან ინსტაგრამში ისაუბრა.

ჩავიმ კიდევ ერთხელ დაადასტურა, რომ „ბარსელონაში“ დაბრუნება და მისი მწვრთნელობა ძალიან უნდა, ერთ დღეს ამას გააკეთებს კიდეც. ჩავიმ ისიც არ უარყო, რომ იანვარში „ბლაუგრანადან“ წინადადება ჰქონდა, მაგრამ ჯერ შესაფერისი მომენტი არ იყო. გარდა ამისა, ესპანელმა ყველა დროის საუკეთესო ფეხბურთელი დაასახელა - ლიონელ მესი.

„ჩემი ფილოსოფია ყოველთვის შეტევაა, ფეხბურთის კონცეფცია შოუა. იანვარში მქონდა კონტაქტი ერიკ აბიდალთან და ძალიან მნიშვნელოვანი წინადადება გახლდათ, მაგრამ შესაფერისი დრო არ იყო, ცოტა მეტი გამოცდილება მჭირდება. „ბარსელონას“ მწვრთნელობა ჩემი ოცნებაა და ერთ დღეს ავიხდენ.

მესი? მისი გუნდში ყოლა უპირატესობაა. ვფიქრობ, რომ ლეოს 5-6 წელი მაღალ დონეზე თამაში კიდევ შეუძლია. საკუთარ სხეულზე კარგად ზრუნავს და ჩემი აზრით, 37-38-39 წლამდე ითამაშებს. დარწმუნებული ვარ, რომ ყატარის მსოფლიო ჩემპიონატზე მონაწილეობას მიიღებს. ის ყველა დროის საუკეთესო ფეხბურთელია.

ნეიმარი? საფეხბურთო თვალსაზრისით უდავოა, რომ მსოფლიოს საუკეთესო მოთამაშეებშია. მას შეუძლია მატჩის სცენარის შეცვლა. ვიმედოვნებ, „ბარსელონაში დაბრუნდება, დადებითი თვისებები აქვს. მისი დაბრუნება გუნდს ძალიან ბევრ ხარისხს შემატებდა, ეს იქნებოდა არაჩვეულებრივი შენაძენი.

მანეს და ობამეიანგს სივრცეში მეტოქის მოკვლა შეუძლიათ, მაგრამ „ბარსელონას“ სჭირდება მოთამაშეები, რომლებიც მოკლე მონაკვეთში ითამაშებენ. ადვილი არ არის ასეთის პოვნა, ეტო’ო იყო ამ მხრივ სრულყოფილი, ისევე, როგორც სუარესია“, - თქვა ჩავიმ.

0.111231