კატალონიის „ბარსელონას“ ნახევარმცველი ივან რაკიტიჩი სეზონის განახლების მომხრეა, თუნდაც ეს რისკთან იყოს დაკავშირებული. ხორვატი ფეხბურთელის განცხადებით, ხალხს ფეხბურთი უნდა დაუბრუნდეს, რომ მხოლოდ კორონავირუსზე საუბარი არ ესმოდეთ.
„მინდა თამაშს დავუბრუნდე. მაქსიმალური უსაფრთხოების ზომებით უნდა ვითამაშოთ, რადგან ვიცით, რომ 100%-ით უსაფრთხოება ჩვენთვის არ იქნება, ისევე როგორც არაა სუპერმარკეტის თანამშრომლებისთვის, რომელთაც შესაძლოა ვირუსით ინფეცირების უფრო დიდი რისკი აქვთ, ვიდრე ჩვენ. ისინი მიდიან ამ რისკზე და მეც მინდა იგივე გავაკეთო.
ვფიქრობ, ჩვენ გვაქვს ეს ვალი და ფეხბურთი უნდა დავუბრუნოთ საზოგადოებას, რომ მხოლოდ ვირუსზე საუბარი არ ესმოდეთ. ამ დღეებში წავიკითხე კონომიკური ზარალის, კანელდრისა და გადატვირთის შესახებ, მაგრამ ხალხინ ვნების შესახებ არაფერი წამიკითხავს. საფრანგეთმა ჩემპიონატი დაასრულა? ვფიქრობ, თითოეულმა ქვეყანამ სიტუაციის შესაბამისად უნდა დაარეგულიროს მდგომარეობა.
ძალიან მაწუხებს გაურკვევლობა, რადგან ორგანიზებული ადამიანი ვარ, მომწონს ჩემი შვილების პარკში წაყვანა, ჩემი ოჯახი ხორვატიას, შვეიცარიასა და ესპანეთს შორის გაყოფილია“, - აღნიშნა რაკიტიჩმა.
