ფეხბურთი

1:28 | 27.04.2020 | ნანახია [] - ჯერ

სისინიო: "რონალდომ ზიდანი გასახდელიდან გააგდო"

მადრიდის „რეალისა“ და ბრაზილიის ნაკრების ყოფილმა ფეხბურთელმა სისინიომ გაიხსენა, როგორ დაატოვებინა გასახდელი რონალდომ ზინედინ ზიდანს.

საუბარია 2006 წლის მუნდიალის მეოთხედფინალში ბრაზილია - საფრანგეთის მატჩის შემდეგ განვითარებულ მოვლენებზე, როდესაც ფრანგი ბრაზილიელთა გასახდელში შევიდა.

„მსოფლიო ჩემპიონატზე მატჩის შემდეგ ზიდანი ჩვენს გასახდელში შემოვიდა, რონალდოსთვის მაისურის გაცვლა უნდოდა. ყველანი გაბრაზებულები ვიყავით, ზოგიერთი ტიროდა კიდეც. ამიტომ, რონალდომ „ზიზუს“ სთხოვა, რომ გამოეჩინა პატივისცემა გასახდელიდან გასულიყო, შემდეგ მაისური მიაწოდა, გამარჯვება მიულოცა და ზიდანიც გავიდა“, - გაიხსენა სისინიომ.

შეგახსენებთ, მაშინ საფრანგეთის ნაკრებმა ბრაზილია ტიერი ანრის ერთადერთი გოლით დაამარცხა. თუმცა გამარჯვების მთავარი შემოქმედი ზიდანი იყო, რომელმაც სამხრეთ ამერიკელი 90 წუთის განმავლობაში გააწამა.

0.158942