კორონავირუსის გავრცელების გამო ლა ლიგი კლუბებმა ხელფასების შემცირება დაიწყეს, ხოლო მადრიდის "რეალი" არ აპირებს საკუთარ ფეხბურთელებს და სტაფს ანაზღაურება დროებით დააკლოს. აღნიშნული ინფორმაცია ესპანურმა გამოცემა Deportes Cuatro-მ გაავრცელა.
ესპანური გამოცემის ცნობით, "სამეფო კლუბი" ფინანსურად სტაბილურადაა და კორონავირუსისგან მიყენებული ზიანი "რეალზე" ვერ იმოქმედებს. ესპანეთში საფეხბურთო ჩემპიონატები გაურკვეველი ვადით გადაიდო, რადგან კორონავირუსის გავრცელებით, ქვეყანა მძიმე მდგომარეობაშია.
ევროპაში საფეხბურთო ჩემპიონატების შეჩერების გამო კლუბებმა ფინანსური ზარალი განიცადეს და გაურკვეველი მომავლის შედეგად ხელფასების დროებით შემცირება გადაწყვიტეს. ლა ლიგაში "ბარსელონამ" უკვე დაანონსა ხელფასის შემცირება, ასევე ანაზღაურებას ნაწილს დააკლებენ "ატლეტიკოსა" და "ალავესში".
