ფეხბურთი

19:51 | 18.03.2020 | ნანახია [] - ჯერ

ბუფონი: "როდესაც 6-7 წლის ვიყავი, ვიღაცამ მითხრა, რომ მხოლოდ სერია C-ს გუნდში ვითამაშებდი"

ტურინის „იუვენტუსის“ მეკარე ჯანლუიჯი ბუფონი კარიერის დასრულებას არ აპირებს. 42 წლის ლეგენდარულმა მეკარემ ამისთვის ორი მთავარი მიზეზი დაასახელა, მათ შორის პატარა ბუფონის ოცნებებია და საინტერესო ეპიზოდიც გაიხსენა.

„კარიერას არ ვასრულებ, რადგან პირველ რიგში თავს კარგად ვგრძნობ, გარდა ამისა, ჯიჯის ბავშვური ოცნებების გამო. როდესაც 6-7 წლის ვიყავი, ვიღაცამ მითხრა, რომ მე მხოლოდ სერია C-ს გუდნის დონის მეკარე გავხდებოდი და ტირილი დავიწყე. სწორედ ამიტომ, პატივისცემა უნდა მქონდეს იმ პატარა ჯიჯის მიმართ, რადგან ბავშვური ფიქრები ყველაზე სუფთაა.

5-6 წლის ასაკიდან „იუვენტუსის“ გულშემატკივარი გავხდი. ბიძაჩემი და ბიძაშვილები იუვენტინოები იყვნენ და მეც დავიწყე. ძალიან შემიყვარდა ჯოვანი ტრაპატონი და როდესაც „ინტერში“ წავიდა, ვინერვიულე, მის გამო „ინტერსაც“ ვქომაგობდი.შემდეგ „პესკარას“, „კომოს“ „აველინოს“, 12 წლიდან უკვე „ჯენოას“. ეს ნიშნავს, თუ რამდენად დიდი მნიშვნელობა აქვს ერთ ადამიანს, ტრაპატონი ჩემზე დიდ გავლენას ახდენდა“, - განაცხადა ბუფონმა.

შეგახსენებთ, ჯიჯის „იუვენტუსთან“ კონტრაქტი მიმდინარე წლის 30 ივნისამდე აკავშირებს, თუმცა მოსალოდნელია, რომ მხარეები თანამშრომლობას გააგრძელებენ.

0.11648