იტალიური „მილანის“ ყოფილმა ვარსკვლავმა, ამჟამად კი უკრაინის ნაკრების მთავარმა მწვრთნელმა, ანდრეი შევჩენკომ, კორონავირუსის მიზეზით შეჩერებული საფეხბურთო მატჩების პერიოდში გულშემატკუვრებს ძველი მატჩების ცქერისკენ მოუწოდა - გვამცნობს pianetamilan.it.

მაგალითად, უკრაინელმა ვარსკვლავმა ქომაგებს 2003 წლის ჩემპიონთა ლიგის ფინალის, „მილანსა“ და „იუვენტუსს“ შორის (0:0, 3:2 პენალტებით) თავიდან ნახვა შესთავაზა. ამ შეხვედრაში შევჩენკომ გამარჯვების პენალტი გაიტანა.

შეგახსენებთ, რომ ამ მატჩში თბილისის დღევანდელი მერი, მაშინ კი „მილანის“ მცველი, კახა კალაძეც მონაწილეობდა.