ფეხბურთი

0:37 | 16.03.2020 | ნანახია [] - ჯერ

იტალიის ფეხბურთის ფედერაციის პრეზიდენტი: "უეფას მივმართავთ, რომ ევრო 2020 გადადოს"

იტალიის ფეხბურთის ფედერაციის პრეზიდენტმა გაბრიელე გრავინამ განაცხადა, რომ უეფას ევროპის ჩემპიონატის გადადების თხოვნით მიმართავენ. გრავინას განცხადებით, მთავარი ადამიანების ჯანმრთელობაა, ამიტომაც, სერია A-ს მხოლოდ სტაბილური ვითარების შემთხვევაში განაახლებენ.

იტალიური ფეხბურთის მმართველს გეგმა გააჩნია და საფეხბურთო ჩემპიონატის დასრულებას 30 ივნისისთვის წინასწარმეტყველებს.

„ვეცდებით ჩემპიონატი დავასრულოთ, რადგან უფრო სწორი და კორექტული იქნება მრავალი ინვესტიციის თვალსაზრისით. აქ არის ევროპის ჩემპიონატის ფაქტორი, რის მიმართაც ინვესტიცია და მოლოდინი ძალიან დიდია. სამშაბათს ამ თემაზე უეფასთან შეხვედრაა დაგეგმილი. მთავარი პრიორიტეტი ჯანმრთელობის დაცვაა. იტალია ამ ეტაპზე ორი კვირით წინაა, რადგან დანარჩენ ქვეყნებს ჯერ არ შეუძლიათ ზუსტი ზომების მიღება. უეფას ევროპის ჩემპიონატის გადადებას შევთავაზებთ, ხოლო ჩემპიონატის დასრულებას 30 ივნისისთვის ვაპირებთ“, - თქვა გრავინამ.

შეგახსენებთ, სერია A 3 აპრილამდეა შეწყვეტილი, მაგრამ ამ გადმოსახედიდან ძნელად წარმოსადგენია, რომ ხსენებულ დროს განახლდეს.

0.111416