ფეხბურთი

21:36 | 13.03.2020 | ნანახია [] - ჯერ

"სამპდორიაში" ინფიცირებულ ფეხბურთელთა რაოდენობა ხუთამდე გაიზარდა

გენუის „სამპდორიაში“ ინფიცირებულ ფეხბურთელთა რაოდენობა გაიზარდა. მას შემდეგ, რაც გუშინ მანოლო გაბიადინის კორონავირუსი დაუდასტურდა, დღეს ლიგურიელთა ვებგვერდმა კიდევ უფრო მძიმე ინფორმაცია გაავრცელა.

„სამპდორია“ აცხადებს, რომ მანოლო გაბიადინის შემდეგ კორონავირუსზე დადებითი ტესტი აღმოაჩნდათ ფეხბურთელებს ომარ კოლის, ალბინ ეკდალს, ანტონიო ლა გუმინისა და მორტენ ტორსბის, ასევე ექიმ ამადეო ბალდარის. ისინი თავს კარგად გრძნობენ და საკუთარ სახლებში, გენუაში იზოლირებულნი არიან. კიდევ ვიმეორებთ, რომ დაუყოვნებლივ გამოვიყენეთ ყველა კანონით მოთხოვნილი პროცედურა. შეჩერებულია ყველა სპორტული აქტივობა და ორგანიზაციული საქმიანობა დისტანციურად ხორციელდება“, - ნათქვამია განცხადებაში.

შეგახსენებთ, სერია A-ში პირველი ფეხბურთელი, რომელსაც კორონავირუსი დაუდასტურდა, „იუვენტუსის“ მცველი დანიელე რუგანი იყო. იტალიელს აისმპტომური დაავადება გამოუვლინდა და სიცხეც არ უფიქსირდება.

0.111014