ინგლისური „ლესტერ სიტის“ მთავარმა მწვრთნელმა ბრენდან როჯერსმა განცხადა, რომ მისი გუნდის რამდენიმე ფეხბურთელს კორონავირუსის სიპტომები აღენიშნება. გამოცდილ სპეციალისტს ფეხბურთელთა სახელები არ გაუჟღერებია.

„ჩვენს რამდენიმე ფეხბურთელს კორონავირუსის სიპტომები აღენიშნება. მივყვებით პროცედურებს და ისინი გუნდისგან განცალკევებით არიან“, - განაცხადა როჯერსმა.

შეგახსენებთ, რომ ბოლო 24 საათში იტალიის სერია A-ს ორ ფეხბურთელს, დანიელე რუგანისა და მანოლო გაბიადინის COVID-19 დაუდასტურდათ.