ფეხბურთი

11:32 | 2.03.2020 | ნანახია [] - ჯერ

კიკე სეტიენი: "ახლა "რეალთან" წაგებას დიდი მნიშვნელობა არ აქვს"

კატალონიის „ბარსელონას“ მთავარმა მწვრთნელმა კიკე სეტიენმა მადრიდის „რეალთან“ (0:2) მატჩის შემდეგ ისაუბრა. ესპანელი სპეციალისტი „ელ კლასიკოში“ დამარცხებით შეშფოთებული არაა და როგორც აღნიშნა, ახლა ამას გადამწყვეტი მნიშვნელობა არ აქვს.

„ვფიქრობ, რომ პირველი ტაიმი კარგად ჩავატარეთ მეორესთან შედარებით. შესვენების შემდეგ კარგად დავიწყეთ, მაგრამ შემდეგ შეცდომები დავუშვით. „რეალ მადრიდს“ გამარჯვება უნდა მივულოცო.

„რეალის“ დამსახურება თუ „ბარსელონას“ ბრალეულობა? ზოგჯერ ორივე მათგანს აქვს ადგილი, ზოგჯერ წაგება ნორმალურია საკუთარი თამაშის წყალობით, მაგრამ როდესაც ამისკენ მეტოქე გიბიძგებს, მაშინ ამის გამოსწორება რთულია და არც ისე ადვილია. პატივი უნდა ვცეთ „რეალის“ ფეხბურთელებს, მაღალი დონის შეხვედრა ჩაატარეს.

ახლა „რეალთან“ წაგებას განსაკუთრებული მნიშვნელობა არ აქვს. დიახ, ერთი ქულით მეტი აქვთ, მაგრამ მომავალში სიტუაცია შეიძლება სწრაფად შეიცვალოს“, - თქვა სეტიენმა.

შეგახსენებთ, რომ სეზონის დასრულებამდე 12 ტურით ადრე „რეალმა“ „ბარსელონას“ გადაასწრო და ლიდერობა წაართვა.

0.112486