ჩოგბურთი

20:56 | 29.02.2020 | ნანახია [] - ჯერ

ჯოკოვიჩმა დუბაის ტურნირი მეხუთედ მოიგო

მსოფლიოს ნომერ პირველმა ჩოგბურთელმა ნოვაკ ჯოკოვიჩმა კარიერაში დუბაის ტურნირი მეხუთედ მოიგო. ფინალურ დაპირისპირებაში სერბმა ჩოგბურთელმა ბერძენი სტაფენო ციციპასი 6:3, 6:4 დაამარცხა.

მიმდინარე წელს ჯოკოვიჩმა ზედიზედ მესამე ტურნირი მოიგო. წლის დასაწყისში ნოვაკმა სერბეთის ნაკრებთან ერთად ATP Cup-ი ტრიუმფით დაასრულა, შემდეგ კი ავსტრალიის ღია ჩემპიონატზეც მიაღწია წარმატებას. ნოვაკი ზედიზედ 21 შეხვედრაში დაუმარცხებლად ასპარეზობს, 2020 წელს 18 მოწინააღმდეგეს შეხვდა და 49 სეტიდან 43 მოიგო.

დუბაის ტურნირზე ბალკანელმა ბოლოს 2013 წელს გაიმარჯვა. სხვათაშორის, დუბაიში პირველად მოხდა როდესაც ფინალში პირველ ნომრად განთესილმა მეორე ნომერი დაამარცხა. წინა ოთხი ფინალი შემდეგნაირად გამოიყურება:

2015: (2) ფედერერი - ჯოკოვიჩი (1)

2011: (2) ჯოკოვიჩი - ფედერერი

2006: (2) ნადალი - ფედერერი

1997: (2) მუსტერი - ივანიშევიჩი

ბერძენი ჩოგბურთელი მეორედ შეეცადა დუბაის ტურნირის მოგებას, თუმცა ამჯერადაც დამარცხდა. წინა წელს სტეფანოსმა ფინალი როჯერ ფედერერთან წააგო. ჯოკოვიჩი 2013 წლის შემდეგ ATP 500-ის კატეგორიის ტურნირის ფინალში მეექვსედ გავიდა და მეხუთედ გაიმარჯვა. სერბა ტურნირის მოგებით 500 ქულა და 565,705 დოლარი გამოიმუშავა, ხოლო ბერძენმა - 300 ქულა და 284,485 დოლარი.

0.113458