ფეხბურთი

2:14 | 29.02.2020 | ნანახია [] - ჯერ

კორონავირუსის გამო შესაძლოა "ლივერპული" ჩემპიონობის გარეშე დარჩეს

„ლივერპული“ 30 წელი ელოდა ნანატრ ჩემპიონობას და ახლა ასე ახლოსაა მიზანთან. თუმცა, შესაძლოა პრემიერლიგის ჩემპიონობის გარეშე დარჩეს.

The Telegraph-ის ინფორმაციით, კორონავირუსის შემაშფოთებელი მდგომარეობის გამო ბრიტანეთის ხელისუფლება ქვეყანაში ყველანაირი სპორტული ღონისძიებების მინიმუმ 2 თვით შეჩერებას აპირებს.

მოვლენების ასეთი განვითარების შემთხვევაში კი, ორი არჩევანი იქნება, დაითვალოს ტურნირის შედეგები მისი გაწყვეტის დროს ან საერთოდ გააუქმოს მიმდინარე სეზონის შედეგები.

შეგახსენებთ, „ლივერპული“ ამ დროისთვის პრემიერლიგას 22-ქულიანი უპირატესობით ლიდერობს, მაგრამ შედეგების ანულირება დანარჩენი გუნდების მიმართებაში უფრო სამართლიანი გადაწყვეტილება იქნება, რადგან პირველი ადგილის გარდა, სხვა ყველაფერი კიდევ გასარკვევია. სწორედ ამიტომ, სეზონის შეწყვეტის შემთხვევაში შედეგების საერთოდ გაუქმების იდეა გაჩნდა.

0.124885