ფეხბურთი

22:47 | 28.02.2020 | ნანახია [] - ჯერ

U19 | ჩრდ. მაკედონია 3:4 საქართველო

საქართველოს 19-წლამდე ნაკრებმა ევრო 2020-ის საკვალიფიკაციო ეტაპის ელიტ-რაუნდისთვის მზადების ფარგლებში ჩრდილოეთ მაკედონიის წინააღმდეგ მეორე ამხანაგური მატჩი გამართა და მეტოქე ამ შეხვედრაშიც დაამარცხა. სკოპიეში გამართული მატჩი უხვგოლიანი გამოდგა, ზაურ სვანაძის გუნდმა ანგარიშით - 4:3 გაიმარჯვა. საქართველოს 19-წლამდე ნაკრების შემადგენლობიდან დუბლი გიორგი გულიაშვილმა შეასრულა, ერთი გოლი ბექა ხარაიშვილმა გაიტანა, ერთი კი მაკედონიელებმა საკუთარ კარში ჩაჭრეს.

ჩრდ. მაკედონია 3:4 საქართველო

საქართველო: კუტალაძე, კაპანაძე, კალანდაძე, ჯანგიძე, აზაროვი (ხარაიშვილი), მექვაბიშვილი (აწყურელი), გულიაშვილი, მოისწრაფიშვილი, ჭავჭანიძე (სამსონია), ლორთქიფანიძე (ნონიკაშვილი), ჩიხრაძე (ლომთაძე)

სათადარიგო შემადგენლობა: ლომიძე, ფარულავა

​მთავარი მწვრთნელი: ზაურ სვანაძე

შეგახსენებთ, რომ საქართველოსა და ჩრდილოეთ მაკედონიის 19-წლამდე ნაკრებების პირველი დაპირისპირება, ჩვენი გუნდის გამარჯვებით, ანგარიშით - 5:1 დასრულდა.

ევრო 2020-ის საკვალიფიკაციო ეტაპის ელიტ-რაუნდში საქართველოს 19-წლამდე ნაკრები შოტლანდიის, საფრანგეთისა და რუსეთის 19-წლამდე ნაკრებებთან ერთად მესამე ჯგუფში იასპარეზებს. ჯგუფური ეტაპის მატჩებს საფრანგეთი უმასპინძლებს. ევრო პირველობის ფინალურ ეტაპზე ასპარეზობის უფლებას ჯგუფის გამარჯვებული მოიპოვებს. ევრო 2020-ს 19 ივლისიდან 1 აგვისტოს ჩათვლით ჩრდილოეთ ირლანდია უმასპინძლებს.

gff.ge

0.118896