ფეხბურთი

16:47 | 28.02.2020 | ნანახია [] - ჯერ

"მისი დაბრუნება მამამისზეა დამოკიდებული" - "ნიუელსში" მესის დაბრუნებაზე ფიქრობენ

„ნიუელს ოლდ ბოიზის“ ხელმძღვანელობა ლიონელ მესის დაბრუნებაზე ოცნებობს. კლუბის ვიცე-პრეზიდენტმა კრისტიან დ’ამიკომ ესპანურ As-თან საუბარში არ დამალა, რომ არგენტინელის „ნიუელსში“ დაბრუნება ძალიან დიდი ამბავი იქნება მთელი არგენტინისთვის.

დ’ამიკომ ისიც აღნიშნა, რომ მესის მშობლიურ გუნდში დაბრუნება მამამისზეა დამოკიდებული:

„როგორც გულშემატკივარი, ვოცნებობ, რომ ლეო სახლში დაბრუნდეს. ეს მან საჯაროდ გამოაცხადა, რადგან ეს გუნდი უყვარს. რა თქმა უნდა, ადვილი არიქნება, ყველაფერი იმის გათვალისნებით, რასაც მესი წარმოადგენს, მაგრამ ეს ყველა არგენტინელის ოცნებაა.

მისი დაბრუნების შანსი მამამისზეა დამოკიდებული, ჩვენ მას ძალიან ვუყვარვართ და ეს მისი სახლია. ის „ბარსელონაშიც“ ძალიან უყვართ და აღფრთოვანებული არიან მისი გაკეთებული საქმეებით.

ფინანსური თვალსაზრისით მესის შეძენა შეუძლებელია და მისი დაბრუნება არის ის, რაც სცილდება „ნიუელსს“, ეს ყველაფერი ყველა არგენტინელზე იქნება დამოკიდებული“, - თქვა დ’ამიკომ.

შეგახსენებთ, რომ ლიონელ მესი როსარიოში გახლვათ დაბადებული და კარიერას „ნიუელს ოლდ ბოიზში“ დაიწყო, რომლის აკადემიაში 1994-2000 წლებში ირიცხებოდა.

0.116401