ფიბამ ევროპის 2021 წლის შესარჩევი ეტაპის მეორე ტურის სიმბოლური ნაკრები გამოაქყვენა და საუკეთესო ხუთეულში ორი ქართველი მოხვდა.

ბელგრადის საღამოს გმირები - გიორგი შერმადინი და თადუს მაკფადენი. ქართველმა ცენტრმა სერბეთთან ორმაგი დუბლი შეასრულა, 23 ქულა და 11 მოხსნა მიითვალა, ხოლო მისი მარგი ქმედების კოეფიციენტი 29-ს გაუტოლდა. რაც შეეხება მაკფადენს, ის მატჩის MVP გახდა 31 ქულით, 7 პასით და 31 მარგი ქმედების კოეფიციენტით.

ქართველი კალათბურთელების გარდა სიმბოლურ ხუთეულში ბელგიელი ჯონათან ტაბუ, რუსი ვიტალი ფრიდზონი და ლეიტუველი ეიმანტას ბენდზიუსი მოხვდნენ. აღსანიშნავია, რომ ფიბამ საკუთარ ვებგვერდზე გულშემატკივრებს გამოკითხვაც შესთავაზა, თუ ვინ იყო ტურის MVP ხსენებული ხუთი მოთამაშიდან. ყველაზე მეტი, ხმების 55% მაკფადენს ერგო, ხოლო მეორე ადგილზე შერმადინი გავიდა 26%-ით, დანარჩენ სამ კალათბურთელზე ხმების 19% გადანაწილდა.

შეგახსენებთ, რომ საქართველოს საკალათბურთო ნაკრებმა სერბეთი ბელგრადში 94:90 დაამარცხა და ისტორიული გამარჯვება მოიპოვა.