ძალიან შემცდარა თუკი ვინმეს ჰგონია, რომ პარაგვაელი მოდელი და პარაგვაის საფეხბურთო ნაკრების თილისმა ლარისა რიკელმე დაგვავიწყდა ანდა გულიდან ამოვიგლიჯეთ. უბრალოდ ხანდახან ხდება ხოლმე ისე, რომ არცთუ წარმატებული გუნდების ქომაგნი მივიწყების საბურველში ეხვევიან და სწორედ ამ დროსაა მნიშვნელოვანი მოვიკითხოთ და გავიხსენოთ ეს დიადი ხალხი.
იმ ჟამს, როდესაც პარაგვაული ფეხბურთი თვლემდა, ლარისა რიკელმეს ახალი, ყველასთვის უცნაური ამბავი მოუგონია. ამ მრავლისმნახველ და ათას ფოტოობიექტივზე გარდამავალ ქალს საკუთარი ფოტო-სტუდია გაუხსნია და თურმე ერთ რამედ ღირს იმის ცქერა, თუ როგორი მონდომებით არჩევს ახალგაზრდა მოდელებს.
ეს კიდევ არაფერია. ლარისა რიკელმეს ამასწინათ დაუქადნია, რომ სულ მალე საკუთარი ჟურნალი მექნება და ჩემს მიერ მოძიებულ ლამაზმანებს ჩემივე ჟურნალში გამოვჭიმავო. ლარისა ისეთი ქალია, ჟურნალი კი არა, მთელი მედიაჰოლდინგი რომ ჩააბარო, საქმეს ბოლოს მაინც საწმერთულის შემოძარცვამდე მიიყვანს და ეს საქმე მართლაც რო დიდებულად გამოსდის.
