ამერიკის სტუდენტურ ლიგაში 4-მატჩიანი მოუგებელი სერია შეწყვიტა გიორგი ბეჟანიშვილის „ილინოისმა“. ქართველი კალათბურთელის გუნდი დიდი ათის კონფერენციის ერთ-ერთ ლიდერ „პენ სტეიტს“ დაუპირისპირდა და მეტოქე 6 ქულიანი უპირატესობით 62:56 დაამარცხა.
აღნიშნულ შეხვედრაში ბეჟანიშვილმა მხოლოდ 2 ქულა მიითვალა. ბურთი 2-ჯერ დაკარგა და 2 პერსონალური ფოლი მიიღო.
შეხვედრის გმირი „ილინოისელთა“ ლიდერი აიო დოსუნმუ გახდა, რომელიც მოედანს ტრავმის შემდეგ დაუბრუნდა და პირველივე თამაშში 24 ქულა მიითვალა.
15 ტურის შემდგომ ილინოისელებს 9 მოგების საპირისპიროდ და 6 მარცხი აქვთ და ბიგ თენის კონფერენციაში მე-6 ადგილზე იმყოფებიან. მომდევნო მატჩს კი 25 თებერვალს, შინ, ერთ-ერთ აუტსაიდერ „ნებრასკასთან“ ჩაატარებენ.