ამ დროთა ქარტეხილში შეიძლება ბევრს მიავიწყდა ბელგიელი მოდელი რაფაელა ფიკო, რომელიც ერთ დროს უპოპულარულეს იტალიელ ფეხბურთელს მარიო ბალოტელის ეფანცქვალებოდა და ეს ფანქვალ-ხვანხვალი საბოლოოდ რაფაელას მუცლის გაბერვითა და პატარა მარიოს გაჩენით დასრულდა.

ამის შემდეგ გვარიანი დრო გავიდა და ათასმა წყალმა ჩაიარა. რაფაელა მარიოს თანაყოფისთანავე უმალ დაშორდა, მაგრად ეჩხუბა, მერე შვილზე მამობის უფლება ბალოტელიმ მაინც მოპოვა, მერე ისევ იჩხუბეს და იყო ასე, დიდი გაწამაწია და წყევლა-კრულვა ბელგიურ-იტალიურ ენაზე.

ახლა მარიო ბალოტელი აპენინელ ჟურნალისტებს უმხელს, რომ ნანობს თავის უწინდელ სიგიჟეს და სურვილიც კი ჰქონდა რაფაელას შერიგებოდა. გერლფრენდყოფილმა ეს შეთავაზება შორს დაიჭირა და მხოლოდ ხანდახან შვილის ნახვაზე დათანხმდა. აწი ვიღას უნდა მობერებული და მივიწყებული “სუპერ“ მარიო...