ფეხბურთი

1:15 | 15.02.2020 | ნანახია [] - ჯერ

რატომ მოკვეთეს "მანჩესტერ სიტი" ჩემპიონთა ლიგიდან?

ინგლისური „მანჩესტერ სიტი“, რომელიც ბოლო პერიოდში ინგლისური ფეხბურთის დომინანტი იყო, უეფამ ჩემპიონთა ლიგიდან მოხსნა. 2020-2021 წლების სეზონიდან „ქალაქელებს“ ევროპის უპრესტიჟულეს ტურნირში თამაში ეკრძალებათ და სანქცია 2021-2022 წლების სეზონზეც ვრცელდება (არამარტო ჩემპიონთა ლიგაზე, არამედ მთლიანად ევროტურნირებზე).

„სიტის“ მკაცრი სასჯელის მიზეზი ფინანსური სამართლიანი თამაშის პრინციპის დარღვევა გახდა, რომელიც სასპონსორო შემოსავლების გაზრდას უკავშირდება.

საქმე ეხება 2012-2016 წლებში სერიოზულ ფინანსურ დარღვევებს. კერძოდ შეიხ მანსურის კლუბმა გაზარდა სასპონსორო ხელშეკრულებები, რომ არ მიეღო ფინანსური სამართლიანო თამაშის პრინციპის გამო სანქცია. Der Spiegel-ის მიერ გამოქვეყნებული Football Leaks-ის ჩანაწერების მიხედვით, „ქალაქელთა“ ბიუჯეტში Etihad Airways-დან შედიოდა 75 მილიონი ევროს თანხა, მაგრამ ამ თანხას რეალურად Abu Dhabi United Group-ი იხდიდა, რომელსაც იგივე მფლობელები ჰყავს, რაც „მანჩესტერ სიტის“. ამით კი უეფას წესები დაირღვა.

მარტივად, რომ ვთქვათ, „სიტიმ“ სასპონსორო შემოსავალი წესების დარღვევით და არარეგალურად გაზარდა, რომ ბიუჯეტი დაებალანსებინა.

შეგახსენებთ, „მანჩესტერ სიტიმ“ უეფას გადაწყვეტილებას ლოზანის სპორტის საარბიტრაჟო სასამართლოში გაასაჩივრებს და სანქციის გაუქმებას ეცდება.

0.153384