იტალიის დედაქალაქ რომში მიმდინარე ევროპის ჩემპიონატზე ბერძნულ-რომალ ჭიდაობაში საქართველოს მონაგარი მესამე მედლით შეივსო.
60 კგ წონით კატეგორიაში ამირან შავაძემ ბრინჯაოს მედალი მოიპოვა. ქართველი მოჭიდავე მესამე ადგილისთვის შეხვედრაში რუს ჟამბოლატ ლოკიაევს დაუპირისპირდა და უმძიმეს ბრძოლაში მოიგო.
ამირანმა შეხვედრა ძალზე აქტიურად დაიწყო და ჯერ ოთხქულიანი, შემდეგ კი ორქულიანი გდება შეასრულადა 6:0 დაწინაურდა. დარჩენი დროში რუსმა ანგარიში გაათანაბრა, მაგრამ უფრო მაღალ ქულიანი ილეთის წყალობით ბრინჯაოს მედალი ქართველს დარჩა. ნიშანდობლივია, რომ ამირან შავაძე საქართველოს ნაკრების დებიუტანტი გახლდათ.
მანამდე ამირანმა შვეიცარიელი დიმიტარ სანდოვი და ფინელი ალექსი ლატვალა 8:0 დაამარცხა, ხოლო ნახევარფინალში თურქ კერემ ქამალთან დამარცხდა.
აქვე გეტყვით, რომ დღეს ხალიჩაზე 72 კგ წონით კატეგორიის ფინალში იური ლომაძე გავა, რომელიც ოქროს მედლისთვის გერმანელ ფრანკ სტაბლერს დაეჭიდება. გუშინ კი, საქართველოს დელეგაციას ლევან არაბულმა ვერცხლი და ნუგზარ წურწუმიამ ბრინჯაოს მედალი მოუტანა.
