ლონდონის „ტოტენჰემის“ ნახევარმცველი დელე ალი შესაძლოა დისკვალიფიკაციით დაისაჯოს. ინგლისელმა ფეხბურთელმა ერთ-ერთი სოციალური ქსელის პლატფორმაზე ვიდეო განათავსა, რომელშიც კორონავირუსის შესახებ ხუმრობდა.
დელემ ვიდეო მალევე წაშალა და ჩინელ ხალხს ბოდიშიც მოუხადა: „ეს არ იყო სასაცილო. მაშინვე გავაცნობიერე ეს და ვიდეო წავშალე. სიყვარულს ფიქრებსა და ლოცვებს ვუგზავნი ყველას ჩინეთში“, - ციტირებს ალის სიტყვებს BBC-ი.
ბოდიშის მიუხედავად, ინგლისელ ნახევარმცველს დისკვალიფიკაცია ემუქრება რასისტული სახის ვიდეოს გამო. აქვე გეტყვით, რომ ალიმ ვიდეო თავად კი წაშალა, მაგრამ სოციალურ ქსელში მალევე გავრცელდა და ახლაც ხელმისაწვდომია.
