კალათბურთი

17:26 | 9.02.2020 | ნანახია [] - ჯერ

თორნიკე შენგელიას მორიგი გაბრწყინება და MVP-ის ტიტული

ესპანეთის ლიგა ენდესას XXI ტურში თორნიკე შენგელიას „ბასკონიამ“ ორმატჩიანი წარუმატებელი სერია დაასრულა. ვიტორიელებმა „მონბუს ობრადორიოს“ უმასპინძლეს და გამარჯვება მარტივად, 83:69 მოახერხეს.

აღნიშნული მატჩის საუკეთესო მოთამაშე ქართველი კალათბურთელი გახდა. შენგელიამ 34:46 წუთში 19 ქულა, 7 მოხსნა და 3 პასი მიითვალა. თორნიკემ 6-დან 6 ორქულიანი (100%), 2-დან 1 სამქულიანი (50%) და 5-დან 4 საჯარიმო (80%) ჩააგდო. შედეგად, მისი მარგი ქმედების კოეფიციენტი 33-ს გაუტოლდა, რაც ორივე გუნდში ყველაზე მაღალი მაჩვენებელი იყო და MVP-ის ტიტულიც ჩვენებურს ერგო.

19 ქულით შენგელია საკუთარ გუნდში ყველაზე შედეგიანი მოთამაშე გახლდათ და მხოლოდ მონბუსელ დეიან კრავიჩს ჩამორჩა (20 ქულა). მეტ ჯენინგმა კი, 17 წუთში 5 ქულისა და 1 მოხსნის მოპოვება შეძლო.

„ბასკონიას“ 10 გამარჯვების წილ 11 მარცხი აქვს და სატურნირო ცხრილის მეათე ადგილზეა. ახლა ლიგა ენდესაში პაუზა გამოცხადდა და ვიტორიელები ესპანეთის ჩემპიონატის მომდევნო შეხვედრას 29 თებერვალს სტუმრად „ფუენლაბრადასთან“ გამართავენ.

0.125535