ფეხბურთი

19:45 | 22.01.2020 | ნანახია [] - ჯერ

კავანის მამა: "ატლეტიკოსთან" შეთანხმებულნი ვართ, პსჟ-ში უსამართლოდ ექცევიან"

ედინსონ კავანის „პარი სენ ჟერმენის“ დატოვება გადაწყვეტილი აქვს და როგორც მამამისმა, ლუის კავანიმ განაცხადა, მადრიდის „ატლეტიკოსთან“ შეთანხმდნენ კიდეც. ლუისი აღნიშნავს, რომ პსჟ-ში მის შვილს უსამართლოდ ექცევიან და გუნდიდან იმიტომ არ უშვებენ, რომ მის წინააღმდეგ ჩემპიონთა ლიგაზე თამაშის ეშინიათ.

„ჩვენ ბევრი შეთავაზება მივიღეთ აშშ-დან, ინგლისიდან და გერმანიიდან, მაგრამ მადრიდის „ატლეტიკოსთან“ რამდენიმე მიზეზის გამო შევთანხმდით. ჩვენ გვინდა კარიერა მადრიდში გააგრძელოს, მაგრამ თუ პსჟ-ში დარჩება, ეს მხოლოდ ივნისამდე იქნება.

ტუხელმა თქვა, რომ ის სჭირდება, მაგრამ ვფიქრობ, რომ პსჟ-ს ეშინია, რომ კავანის წინააღმდეგ ჩემპიონთა ლიგაზე მოუწევთ თამაში. ბოლო პერიოდში ძალიან ცოტა ითამაშა, კლუბი უსამართლოდ ეპყრობა“, - თქვა ლუისმა.

შეგახსენებთ, კავანის პარიზულ გუნდთან კონტრაქტი 2020 წლის 30 ივნისს ეწურება და თუ მიმდინარე სატრანსფერო ფანჯარაში გუნდს ვერ დატოვებს, ზაფხულში თავისუფალი აგენტით შესძლებს სხვაგან გადასვლას. ურუგვაელი პსჟ-ში 2013 წლიდან თამაშობს და კლუბის ისტორიაში საუკეთესო ბომბარდირია, მაგრამ მაურო იკარდიმ ძირითად შემადგენლობაში ადგილი წაართვა.

0.154242