ბულვარული ამბების მოყვარულთ ალბათ კარგად ახსოვთ ბრაზილიელი მოდელი სუზი კორტესი, რომელმაც არად ჩააგდო ბრაზილიაში ყოველგვარი არგენტინულისადმი ცხვირის აბზუება, შეიყვარა ლაიონელ მესი და ეს სიყვარული იმით დაადასტურა, რომ მესის ფიგურა სხეულზე ამოისვირინგა.
ახლა ამ ასულის ტრფიალება მესისადმი კიდევ უფრო გამყარდა მას შემდეგ, რაც არგენტინელი მეგოლის სახე სხეულზე უკვე მეორედ ამოისვირინგა და საქმეს ისეთი პირი უჩანს რომ დადგება დრო, როდესაც კორტესის ქალს ტანზე ადგილი აღარ დარჩება სადაც ლეოს თავ-პირი არ იფიგურირებს.
ვისაც აღარ გახსოვთ შეახსენებთ, რომ 30 წლის ბრაზილიელი მოდელი სუზი კორტესი გავაგანიერ ასულთა ესოდენ საყვარელი კონკურსის, “მის ბუმ ბუმის“-ს გამარჯვებულია და სწორედ ამ დიდებული და გრანდიოზული წარმატების შემდეგ გაიცნო მსოფლიომ როგორც ლეო მესის თავგადაკლული ქომაგი.
