გიორგი პაპუნაშვილი, რომელიც „რასინგში“ გადავიდა, „სარაგოსას“ ემოციური წერილით დაემშვიდობა. ქართველი ფეხბურთელი გულშემატკივრებს მადლობას უხდის და აწ უკვე ყოფილ თანაგუნდელებს წარმატებებს უსურვებს.
„მოგესალმებით „სარაგოსისტებო“. მინდა გაცნობოთ ჩემი წასვლის შესახებ გადაწყვეტილება, რომლის მიღება ძალიან რთული იყო. თუმცა, ვფიქრობ, ამ ვითარებაში საუკეთესო გახლდათ. არ ვიცი როგორ გამოვახტო ჩემი გრძნობები თქვენდამი, ამიტომ უბრალოდ მადლობას გიხდით გულშემატკივრობისთვის და სიყვარულისთვის.
თანაგუნდელებო, თქვენ ხართ ჩემი მეორე ოჯახი და მადლობა ყველა წამისთვის, რომელიც ერთად გავატარეთ. დარწმუნებული ვარ, დასახულ მიზანს მიაღწევთ, წარმატებებს გისურვებთ, მალე შევხვდებით“, - დაწერა გიორგიმ.
შეგახსენებთ, პაპუნაშვილი „სარაგოსაში“ მიმდინარე სეზონის ბოლომდე იჯარით ითამაშებს. არაგონულ გუნდში კი მის ანგარიშზე 58 მატჩი და 13 გოლია.
