ვეტერანმა ესპანელმა ფეხბურთელმა სესკ ფაბრეგასმა ტვიტერის მეშვეობით გულშემატკივრების კითხვებს უპასუხა და საკმაოდ საინტერესო ინტერვიუც შედგა.
- პრემიერლიგის საუკეთესო ფეხბურთელი ამჟამად?
- სადიო მანე.
- საუკეთესო მწვრთნელი თქვენს კარიერაში?
- შეუძლეელია ერთის არჩევა. ვენგერი, მოურინიო, არაგონესი, დელ ბოსკე, ტიტო ვილანოვა, კონტე, გვარდიოლა... რაც ამ მწვრთნელებიდან ერთად ვისწავლე, უკეთესია, ვიდრე ყველაფერი, რასაც მომავალში სამწვრთნელო კურსებიდან ვისწავლი.
- რას ფიქრობთ VAR-ზე?
- როდესაც არბიტრები სწრაფად მუშაობენ და სწრაფად იღებენ გადაწყვეტილებებს, კარგია, მაგრამ არ მესმის, როდესაც აშკარა მომენტებს დიდი ხნის განმავლობაში უყურებენ.
- ვინ არის უკეთესი ლიდერი: ანრი, ვიეირა თუ პუიოლი?
- სამივე უბრალოდ წარმოუდგენელი, შესანიშნავი ფეხბურთელები და ხალხია. ბედნიერი ვარ, რომ ყველას შემიძლია ვუწოდო ჩემი მეგობარი.
- ყველაზე დასამახსოვრებელი ტიტული?
- მსოფლიო თასი. გარდა ამისა, პრემიერლიგის პირველი ჩემპიონობა, ეს წარმოუდგენელი სიხარული იყო.
- საყვარელი ქალაქი?
- ლონდონი.
- „ინტერი“ მოიგებს იტალიის ჩემპიონატს?
- რატომაც არა? კონტე საუკეთესო მწვრთნელია გუნდების დაბრუნებისთვის.
- ყველაზე რთული ჩემპიონატი?
- რა თქმა უნდა, პრემიერლიგა.
- რომელ სტადიონს აქვს საუკეთესო ატმოსფერო?
- ყოველთვის მომწონდა „სან სიროზე“ თამაში.
- ვინ იყვნენ თქვენი კერპები ბავშვობაში?
- ფიგუ და გვარდიოლა.
- ყველაზე რთული მოწინააღმდეგე მოედანზე?
- ალბათ სტივენ ჯერარდი.
- ყველაზე ლამაზი გოლი?
- ყველა გოლი, რომელიც „ტოტენჰემის“ კარში მაქვს გატანილი.
